Tout lang sou latè reflete sa k ap pase nan yon kilti, se pou sa yo defini lang kòm yon eleman kiltirèl. Kòm yon lang se yon pwodiksyon sosyal ki dinamik, menm jan li pran nesans, li transfòme nan entèraksyon k ap fèt nan mitan moun anndan yon sosyete epi li ka disparèt tou. Tousa montre kouman yon lang se yon sistèm k ap bouje, ki ka chanje oswa k ap evolye nan relasyon k ap devlope ant moun ak moun, ant gwoup sosyal ak gwoup sosyal.

Nan peyi Ayiti pandan trant dènye lane yo, lit fanm yo ap mennen pou yo reklame dwa yo favorize itilizasyon yon seri konsèp moun pa t jwenn nan lang kreyòl la anvan. Lang nan rive nan yon kafou kote l ap fè fas ak yon seri nouvo reyalite, yon seri nouvo fenomèn epi se yon obligasyon pou li rapòte yo.

Tous droits réservés. Republié avec l'autorisation du·de la détenteur·rice du droit d'auteur, Marie Rodny Laurent.