Moun ki tap direije rechèch sa a remèsye SOFA ki te ba li okazyon reyalize travay sa a. Nou salye kouraj ak volonte chak ansyèn kandidat ki te ba nou antretyen yo, temwayaj sou mannyè yo te viv patisipasyon yo nan eleksyon lejislatif 2015 yo. Nou wete chapo devan ekip ankèt an ki genyen Fanise JASMIN, Régine SEIDE, Ruth JOSEPH, Manuella JEAN, Josèphe Winnie PIERRE- FRANCOIS. Senk (5) medam sa yo te montre yo pwofesyonèl, etik epi genyen anpil ladrès nan konstriksyon relasyon ankèt yo. Nou apresye sipò nou te jwenn nan koreksyon ak tretman enfòmasyon yo bò kote moun sa yo: Katia JEAN LOUIS, Mirlène BLANCHARD ak Jean Nephetaly MICHEL. San ekip sa a jwenn enfòmasyon yo epi ekri travay sa a pa tap posib tou. Yon gwo kout mèsi pou chak moun ki te kontribye nan ede nou kontakte kandidat yo, nan gide epi resevwa ekip ankèt la sou teren. Rechèch sa a se rezilta travay, kolaborasyon chak moun sa yo. Nou remèsye yon fason espesyal Sharma AURÉLIEN ki te kòdone aktivite ankèt yo epi ki te asire koreksyon ak aranjman tèks la. Nou wete chapo, pou nou fini, devan Lise Marie DEJEAN, manm kòdinasyon SOFA, pou gwo sipò li te bay nan lèkti ak koreksyon rapò rechèch la.

Tous droits réservés. Republié avec l'autorisation du·de la détenteur·rice du droit d'auteur, SOFA.