1. Relasyon sosyal ant fanm ak gason.
«Relasyon sosyal fanm ak gason» se sa yo rele an franse « genre». «Relasyon sosyal fanm ak gason» se tout wòl ak konpòtman sosyete a konstwi pou fanm ak gason. Konsa, li sèvi ak lakilti, sistèm ekonomik ak politik la pou li fè yon seri lide pase sou chak sèks yo.

2. Ki sa kota 30% pou fanm nan ye ?
Kota 30% pou fanm nan ap chache jwenn ekilib nan prezans toude sèks yo anndan enstitisyon leta yo. Zouti sa a pa la pou anpil tan, l ap chèche
garanti prezans yon kantite fanm epi pou li fini ak kesyon inegalite nan reprezantasyon medam yo. Anpli fwa, yo aplike yon kota pou elimine barikad ki bare wout fanm yo pou yo rantre nan lavi politik la.

3. Ki jan diferan peyi aplike kota a ?
Tout peyi pa aplike kota a menm jan. Sa fèt selon kalite vòt ki ann aplikasyon nan peyi a, dapre kalite angajman dirijan pati yo ak gouvènman yo epi selon si mouvman fanm yo aktif. Yo ka aplike kota pou fanm ni nan pòs kote yo nonmen moun, pa egzanp nan Gouvènman an oubyen nan enstitisyon leta yo, ni nan pòs moun genyen nan eleksyon yo tankou palmantè yo, majistra yo, otorite lokal tankou : kasek, asek, eksetera.

4. Ki sa ki fèt nan peyi d Ayiti sou kota a ?
Malgre lalwa nan peyi d Ayiti rekonèt fanm ak gason egalego, fanm yo kontinye rankontre yon seri difikilte devan je tout moun pou yo egzèse patisipasyon sa a nan pòs desizyon yo ak nan pòs moun genyen nan eleksyon.

Tous droits réservés. Republié avec l'autorisation du·de la détenteur·rice du droit d'auteur, Jessie Ewald Benoit.