Myrto Célestin-Saurel ak Vanya Berrouët pale sou defi edikasyon pou ti fi ak jèn fi ann Ayiti. Menm si menm pousantaj ti fi ak ti gason rantre nan sistèm edikasyon an, fi gen tandans kite lekòl pi bonè poutèt rezon ekonomik ak sosyal (diskriminasyon seksyèl). Pa egzanp, ti fi yo sipoze fè plis travay nan kay la pase ti gason, ki anpeche yo jwenn bon jan edikasyon.
Sena a vote yon nouvo lwa sou divòs ki pi ekitab pa rapò ak dwa fanm.
The senate passed a new divorce law that is more equitable toward women's rights.
Le Sénat a voté une nouvelle loi sur le divorce qui est plus équitable vis-à-vis des droits des femmes.
Radio Haïti permet qu’il soit fait utilisation du présent contenu conformément aux dispositions et sous réserve des conditions garant sur le site web de Duke University.
Myrto Célestin-Saurel ak Vanya Berrouët pale sou defi edikasyon pou ti fi ak jèn fi ann Ayiti. Menm si menm pousantaj ti fi ak ti gason rantre nan sistèm edikasyon an, fi gen tandans kite lekòl pi bonè poutèt rezon ekonomik ak sosyal (diskriminasyon seksyèl). Pa egzanp, ti fi yo sipoze fè plis travay nan kay la pase ti gason, ki anpeche yo jwenn bon jan edikasyon.
Pandan dezyèm vizit li nan emisyon Entre Nous pou pale sou liv li a, « Lutte des femmes et luttes sociales en Haïti » avèk J.J. Dominique, Myrtha Gilbert pale kesyon vyolans sou fanm ann Ayiti ak sou orijin vyolans nan sosyete ayisyen an, soti nan moman lè kolon blan yo mete pye yo sou Kiskeya. Gilbert ak Dominique pale sou yon kontradiksyon aparan: se fanm ki poto mitan sosyete ak ekonomi ayisyen, men se yo menm k ap sibi vyolans. Vyolans sou fanm, ak vyolans sou timoun tou, vin banalize nan sosyete ayisyen an.
Ansyen Minis Edikasyon Myrto Célestin-Saurel pale sou yon liv li fèk soti ki rele «Les stéréotypes sexuels dans les livres scolaires haitiens» ki abòde kesyon steryotip ak kliche seksis ki genyen nan liv skolè ann Ayiti.
Fomer Minister of Education Myrto Célestin-Saurel discusses her recent book, Les stéréotypes sexuels dans les livres scolaires haitiens, which addresses sexist stereotypes and clichés in Haitian textbooks.
(00:00:00) Premye jounen Tribinal Entènasyonal Kont Vyolans sou Fanm Ayisyèn, ki te fèt nan Otèl Kristofè. Plis pase 200 moun te asiste, pami yo plizyè politisyen. Militan dwa fanm Magalie Marcelin pale, 1997-11-24 (00:02:19) Dezyèm jounen Tribinal Entènasyonal Kont Vyolans sou Fanm Ayisyèn. Plizyè fanm temwaye sou vyolans domestik ak vyolans seksyèl (kadejak) yo te sibi, 1997-11-25 (00:05:34) Twazyèm jounen Tribinal Entènasyonal Kont Vyolans sou Fanm Ayisyèn. Direktè Ministè Jistis la, Max Elibert, pale.
Emisyon konjwen Radyo Ayiti ak radyo CIBL-FM nan Monreyal. Marie-France Joachim pale kesyon dwa fanm an Ayiti. Jean-Claude Icart ak lòt moun pale sou pwojè sante SOSACA nan Paredon. Claude Jean-François pale kesyon pwoblèm sistèm sante Ayiti a, epi yon lòt moun pale sou medsin tradisyonèl. Marjorie Villefranche ak Suzy Castor pale kesyon dwa moun. Animasyon Michèle Pierre-Louis nan Pòtoprens. Anrejistreman enkonplè. Pa gen dat; pwobableman se debi lane 1990 yo.
Olga Benoît, ki se youn nan responsab SOFA, ak Myrtha Gilbert pale sou vyolans sou fanm, ki gen ladan li vyolans konjigal ak kadejak, ak dezimanizasyon fanm tou. Anpil fanm ki viktim ak fanmi yo pa menm eseye jwenn jistis, paske yo konprann yo p ap janm jwenn jistis. Sistèm restavèk la se yon egzanp vyolans sou jèn fi ki vilnerab, ki soti nan sektè defavorize sosyete a. Menm jan, vyolans sou fanm makonnen avèk lòt fenomèn sosyal, pa egzanp inegalite sosyoekonomik ak konplèks moun konn genyen youn sou lòt -- se sa k kreye vyolans sou anplwaye domestik.
Marie-Frantz Joachim, Florence Norcéus, ak Jocelyne Palanquet, manm kòdinasyon nasyonal Mach Mondyal Fanm 2000 pale sou pwogram yo genyen pou mach la, sou dwa fanm ak sou vyolans sou fanm ann Ayiti. Gen plizyè òganizasyon fanm soti tout kwen peyi a k ap patisipe nan kòdinasyon an, tankou Fanm Deside ki soti nan Sidès ak AFASDA ki soti nan Nò. Lalwa ayisyen pa fè ase pou pwoteje dwa fanm. Florence Norcéus, ki travay nan Kay Fanm, eksplike chak òganizasyon travay nan pwòp domenn pa li (lalwa, sante, elatriye) men yo konn mete tèt ansanm tou.
Marie-Frantz Joachim, Florence Norcéus, ak Jocelyne Palanquet, manm kòdinasyon nasyonal Mach Mondyal Fanm 2000 pale sou pwogram yo genyen pou mach la, sou dwa fanm ak sou vyolans sou fanm ann Ayiti. Gen plizyè òganizasyon fanm soti tout kwen peyi a k ap patisipe nan kòdinasyon an, tankou Fanm Deside ki soti nan Sidès ak AFASDA ki soti nan Nò. Lalwa ayisyen pa fè ase pou pwoteje dwa fanm. Florence Norcéus, ki travay nan Kay Fanm, eksplike chak òganizasyon travay nan pwòp domenn pa li (lalwa, sante, elatriye) men yo konn mete tèt ansanm tou.